अपाङ्गता भएका व्यक्तिहरुलाई सामाग्री बितरण
![](https://blogger.googleusercontent.com/img/b/R29vZ2xl/AVvXsEjUE4PY1jWFh5l-qxyzRpIFMa9isOA9_l1xFOffPILI0HTeknQ5u6kewk9AlhUWLDOi-UISltwuW8XcI5xvyDtmAghT3Ju4hr-rFactgfKaiJjlDG2MivL4gLGSvcIEtmRqV2hKQ6gapjQ/s640/17264420_1926158560937958_5388011788309377960_n.jpg)
सिन्धुली, ३० फाल्गुण । अपाङ्ग कल्याण संघ सिन्धुलीको आयोजनामा सोमबार सिन्धुलीमाढीमा अपाङ्गता भएका व्यक्तिहरुलाई विभिन्न् सामाग्री वितरण गरिएको छ ।
जिल्ला भरिका १०१ जना अपाङ्गता भएका व्यक्तिहरुलाई ह्वील चियर, सेतो लठ्ठी, वैशाखी लगायतका सामाग्रीहरु वितरण गरिएको अपाङ्ग कल्याण संघ सिन्धुलीका अध्यक्ष बिर्ख बहादुर बम्जनले बताए ।
जिल्ला विकास समिति, कमलामाई नगरपालिका, महिला तथा बालवालिका कार्यालय, प्लान इन्टरनेशनल नेपाल र सामाजिक रुपान्तरण नेपालको आर्थिक सहयोगमा झण्डै १२ लाख मुल्य बराबरको सामाग्री वितरण गरिएको जनाइएको छ । साथै संस्थाले दृष्टिविहिन श्रोत कक्षा दुधौलीको लागी सिलाई मेशिन र अपाङ्गता भएको व्यक्तिका परीवारका लागी आवास निर्माण गर्न ३ वण्डल जस्ता समेत वितरण गरेको छ ।
सामाग्री बुझ्नका लागी आएका कमलामाई नगरपालिका ४ का विशुलाल थिङ्गले आफुहरुको लागी महत्वपूर्ण हुने सामाग्री दिएर संस्थाले महत्वपूर्ण काम गरेकोमा खुसी व्यक्त गरे । उनी २०६८ सालमा सडक दुर्घटनामा परी अपाङ्ग बन्न पुगेका थिए ।
![](https://blogger.googleusercontent.com/img/b/R29vZ2xl/AVvXsEjUDaVRJH5kDwztrI2yh2rDZjA4U0nxgxT8UR8wrdWOBT6G84IhbDK9fOBsaA9yJRecTTZ85MyiWiPpq5j-yzEL9JRk7GT-_dVbSMJZWSsOWrZvk6bpre_wDnSwnxPX-KOCMpCUA1jn-9M/s640/17203186_1926158510937963_7995314167328449936_n.jpg)
त्यस्तै जलकन्या गाविसका जब्बर बहादुर नेपालीले पनि दृष्टिविहिनको साहाराको रुपमा लठ्ठी पाएपछि आफुलाई ठुलो सहयोग पुग्ने विश्वास व्यक्त गरे ।
![](https://blogger.googleusercontent.com/img/b/R29vZ2xl/AVvXsEjoVeT_9BHJt1jbjiUAV4b-k-s4O2vPrBAhkVwR_nKxxroKYILX_eh4H6OF7_RFwl_q-4acWjLvuqSVDLQo4ti54tzpwvc5jfLuiu6OdWxt_HLSDCnephKGA_gJQwsw91POBGmU0NesXG0/s640/17202814_1926158647604616_3942227085849551381_n.jpg)
संस्थाले ४० थान ह्वीलचियर, ३० थान दृष्टिविहिनका लागी सेतो लठ्ठी, ३० जोर वैशाखी वितरण गरेको जनाएको छ । जिल्लामा अपाङ्गता भएका व्यक्तिहरुको आधिकारीक तथ्याङक नभए पनि सुचिकृत भएका ४६ सय र बाँकी ४ हजार सहित झण्डै ९ हजारको हाराहारीमा अपाङ्गता भएको व्यक्तिहरुको संख्या रहेको अध्यक्ष विर्ख बहादुर बम्जनले दावि गरे ।
0 comments
Write Down Your Responses