सुचनाको हक सम्बन्धी अभिमुखीकरण सम्पनन्
बुद्धकुमार आछामी
सिन्धुली– सुचनाको हक सम्बन्धी १ दिने अभिमुखीकरण तालिम बिहीबार सिन्धुलीमाढीमा सम्पनन् भएको छ । जिल्ला विकास समिति अन्र्तगत स्थानीय शासन तथा सामुदायीक विकास कार्यक्रमले आयोजना गरेको अभिमुखीकरणको उदघाट्न प्रमुख जिल्ला अधिकारी दिपकराज नेपालले गरेका थिए ।
 |
| कार्यक्रममा सहभागी प्रमुख जिल्ला अधिकारी, स्थानीय विकास अधिकारी तथा प्रशिक्षक |
स्थानीय विकास अधिकारी प्रदिप कुमार निरौलाको अध्यक्षतामा उदघाटन भएको अभिमुखीकरण कार्यक्रममा राष्ट्रिय सुचना आयोगका उपसचिब बेदनीधी अधिकारीले सहभागीहरुलाई सुचनाको हकसम्बन्धी ऐनको विभेचना र कार्यान्वयनमा सार्वजनिक निकायका कार्यालय प्रमुख, सुचना अधिकारीहरुको दायीत्व र भुमीकाको बारेमा जानकारी गराएका थिए ।
गाविस सचिब, विभिनन् संघ सस्थाका प्रमुख तथा प्रतिनीधी र कर्मचारीहरु सहभागी कार्यक्रममा राष्ट्रसेवक कर्मचारीहरुले सुचना लुकाउन नहुने र सेवाग्राहीलाई सहज तरिकाले सुचना दिनुपर्ने कुरामा अभिमुखीकरणमा जोड दिइएको थियो । सुचनाको हकले नै लोकतन्त्रलाई बलियो बनाउने भएकाले लोकतन्त्रलाई बलियो बनाउन सुचनाको हकलाई पनि फराकिलो बनाउनु पर्ने चर्चा गरिएको थियो ।
 |
| कार्यक्रममा सहभागीहरु |
सुचनाको हक सम्बन्धी ऐन नियमावली र कार्यविधीको बारेमा जिम्मेवार निकायका प्रमुखहरुलाई नै जानकारी नहुँदा सर्वसाधारणमा सहि ढंगले सुचना प्रवाह हुन नसकेका कारण गाउँ विकास समितिका सचिब र गैर सरकारी संस्थाका प्रमुखहरुलाई अभिमुखीकरण गरिएको जिल्ला विकास समिति सिन्धुलीले जनाएको छ ।
अभिमुखीकरण कार्यक्रममा कार्यक्रमको बजेट र खर्च विवरणको बारेमा समेत सहभागीहरुलाई पुर्व जानकारी गराइएको थियो । जिल्ला विकास समिति र जिल्लाका हरेक सरकारी कार्यालयहरुले सञ्चालन गर्ने कार्यक्रमहरुको बारेमा सेवाग्राहीलाई यसरी नै पुर्व जानकारी गराउन सकेमा सुचनाको हक सम्बन्धी अभिमुखीकरण कार्यक्रम प्रभावकारी भएको सावित हुने थियो ।
0 comments
Write Down Your Responses