टीकापुरमा हिंसात्मक झडप, प्रहरी समेत मारिएको आशंका
७ भदौ, काठमाडौं । कैलालीको टीकापुरमा थरुटह पक्षधर आन्दोलनकारी र प्रहरीबीच हिंसात्मक झडप भएको छ । झडपमा परी केही सुरक्षाकर्मी र केही आन्दोलनकारीको मृत्यु भएको आशंका गरिएको छ ।
कैलालीको मुनुवा गाविस ६ सिलम चौराहमा हिंसात्मक झडप भएको हो । ८/१० हजारको संख्यामा रहेका आन्दोलनकारी छुरा, भाला, बन्चरोसहितका हतियार लिएर सडकमा उत्रिएपछि हिंसात्मक झडप भएको हो ।
आन्दोलनकारीले केही सुरक्षाकर्मीलाई आगो लगाएर हत्या गरेको बताए पनि पुष्टि भएको छैन । डीएसपी विश्वराज खड्काले धनगढीबाट अनलाइनखबर भने-‘दुई इन्स्पेक्टर वेपत्ता भएका छन् । तीन जना प्रहरी हताहती भन्ने आएको छ । तर, पुष्टि भएको छैन ।’ एसएसपी लक्ष्मण न्यौपानेमाथि समेत आक्रमण भएको छ ।
0 comments
Write Down Your Responses