सडक विस्तारले निरन्तर बढ्दाे जग्गाकाे मुल्य
![](https://blogger.googleusercontent.com/img/b/R29vZ2xl/AVvXsEh7Oq9KupSZCmFdAPrUgZnPA_xutUSQA63YxQ0qXnc4xjkM6gYC3fH1tg5mQgW42Zml9007jLxkT7B1zfZQK8DxSegraAk920PSAstPdGxVOtg7jH03EsDz9xIQsFrblYnAOyTt6uhUHm4/s640/sindhuli_district.jpg)
सिन्धुली, १२ फाल्गुण । सिन्धुलीको ग्रामीण क्षेत्रमा जग्गाको मूल्य बढ्न थालेको छ । जिल्ला भरि सडक सञ्जालको विस्तारले जग्गा महंगो हुन थालेको हो ।
सडक विस्तार हुनु अगाडि कम महत्वको रुपमा हेरीने ग्रामीण क्षेत्रका गाविसहरुमा जग्गाको मूल्य ह्वात्तै बढेको स्थानीयले बताएका छन ।
ट्रयाक सडक निर्माण हुँदा मात्र पनि बढ्न थालेको जग्गाको मूल्य अझ अकाशिने संभावना देखिएको छ । वीपी राजमार्ग र मध्यपहाडी राजमार्गले छोएका गाविसहरुमा मात्र नभइ नजिकका अन्य गाविसमा पनि जग्गाको महत्वमा बढोत्तरी भएको स्थानीयहरुको भनाई छ । सडक प्रभावले जिल्लाका ग्रामीण गाविसहरुमा समेत जग्गाको मूल्य बढेको छ ।
![](https://blogger.googleusercontent.com/img/b/R29vZ2xl/AVvXsEiUHguSgeAHfHMUB94x0SuPlyxXG0fUJiq5lXLVZxEZlCk4Tv08KX4UWnEosFeDl1QGbqHSKzTfWVXOHm4FOHs1yMvO4DL_1AQLRGyZ2x1H8_cCpkQSH9AiFmQ2RRQNzft6WLTtdaRjnfk/s640/bijayakillafinal.gif)
सडक विस्तार हुनु अगाडि प्रति रोपनी तीन लाख भन्दा कम मुल्यमा बिक्रि हुने गरेको जग्गा अहिले २० लाख भन्दा माथिको मुल्यमा बिक्रि भइरहेको छ ।
विपी राजमार्ग र मध्य पहाडी राजमार्गले छोएका गाविसहरुमा त झन जग्गाको मुल्य आकाशिएको छ । सडक नबन्दासम्म प्रति कठ्ठा दुई तीन लाखमा बिक्रि हुने खुर्कोटको जग्गा हिजोआज २०÷२२ लाखमा किनबेच भइरहेको स्थानीयले बताएका छन । विपी राजमार्गको निर्माणसँगै गढतिर क्षेत्रको भिमेश्वर, झागाँझोली रातमाटा र कुशेश्वर दुम्जा गाविसको जग्गाको मुल्य निक्कै आकाशिएको छ भने मध्यपहाडी राजमार्गको निर्माणले गर्दा बाशेश्वर, भुवनेश्वरी, डुडभञ्ज्याङ्ग, खाङसाङ्ग लगायत स्थानमा जग्गाको मुल्य निक्कै आकाशिएको स्थानीयहरुले बताएका छन ।
सदरमुकाम भित्र अहिले जग्गाको कारोबारमा गिराबट आएको कारण मुल्य स्थिर रहेको छ भने सदरमुकाम बाहिरका स्थानमा सडक सञ्जालको विस्तार सँगै मुल्य बृद्धि भएको छ । सडक, विद्युत, शिक्षा, स्वास्थ्य लगायत अत्यावश्यक कुराहरुको गाउँमै विस्तार भएपछि गाउँको जग्गाको मुल्य बृद्धि भएको भिमेश्वर खुर्कोटका स्थानीय रामबावु थापाले बताए ।
0 comments
Write Down Your Responses