आजै जिल्ला प्रशासन कार्यालयमा प्रमुख जिल्ला अधिकारी मार्फत जिल्ला अध्यक्ष राजन दाहालवाट नेतृत्वको हस्ताक्षरित भएको नेपाल कम्यूनिष्ट पार्टी(नेकपा) संगठन कमिटि सिन्धुली  र सहसंयोजक भानुभक्त श्रेष्ठ द्वारा हस्ताक्षरित अनेरास्ववियूले सम्माननीय प्रधानमन्त्री केपी शर्मा ओलीलाई पत्र पठाएको छ । अनेरास्ववियू सिन्धुलीले पठाएको पत्रमा ठूलो त्याग, तपस्ता र बलिदानको जगवाट प्राप्त भएका महान् उपलब्धीलाई संस्थागत गर्नुको सट्टा संविधानलाई कुल्चन्दै प्रधानमन्त्री केपी शर्मा ओलीले प्रतिनिधिसभा विघटनको प्रयास गर्नुभएको जनाएको छ । 

नेपालको संविधान २०७२ को कुनै पनि धारामा यति सजिलै संसद वाहिर वाट मन्त्रीपरिषदको एकल निर्णयले प्रतिनिधि सभा विघटनको कल्पना गरेको छैन । संविधानको भाग ७ धारा ७६ मा उल्लेख गरे अनुसार स्पष्ट संसदमा वहुमत रहेको, दुई वा सो भन्दा वढी दलहरुवीच सहकार्य भई सरकार वन्ने अवस्था जिवितै रहेको अवस्था र धारा ७६ को उपधारा २, ३ र ४ मा रहेको संवैधानिक व्यवस्थालाई नजर अन्दाज गरी लहड र मनमौजी ढंगवाट आफु अनुकुल संविधानको व्याख्या गरी प्रधानमन्त्रीले प्रतिनिधिसभा विघटन सम्वन्धी प्रस्ताव राष्टपति समक्ष पेश गर्नुभएको र उक्त प्रस्ताव सम्वन्धि गहन अध्ययन समेत नगरी राष्ट्र प्रमुख जस्तो गरिमामय पदमा वसेको सम्मानीत संस्थावाट प्रतिनिधिसभा विघटन गरिएको ज्ञापनपत्रमा जनाइएको अनेरास्ववियू सिन्धुलीको सह-संयोजक भानुभक्त श्रेष्ठले जानकारी दिनुभयो । 

त्यसैगरी विज्ञप्तीमा उक्त असंंवैधानिक प्रतिनिधिसभा विघटन सम्वन्धी प्रतिगामी कदमका विरुद्ध अनेरास्ववियू सिन्धुलीले घोर भत्र्सना गर्दै  उक्त कदमलाई सच्याउन माग समेत गरेको छ अन्यथा नेपालको संविधानको सम्मान, कार्यान्वयन गर्न र नेपाली जनताको अधिकारको प्राप्तिको निमित्त कडा भन्दा कडा आन्दोलन गर्ने चेतावनी दिइएको ज्ञापनपत्रमा सहसंयोजक श्रेष्ठद्वारा हस्ताक्षरित ज्ञापन पत्रमा भनिएको छ ।

                                                विज्ञप्ती