नेवि संघ सिन्धुलीले ‘स्वास्थ्य संस्थासँग नेवि संघ’ अभियान अन्तर्गत स्वास्थ्य सामग्री र पुस्तक सिन्धुली अस्पताललाई सहयोग गरेको हो। 

नेपाली काँग्रेस सिन्धुलीका सभापति उज्ज्वल प्रसाद बरालको उपस्थितिमा २ हजार थान मास्क ,१ सय थान साबुन ,५५ लिटर स्यानिटाइजर तथा ८० थान इतिहास र साहित्यका किताब  सहयोग गरिएको नेवि संघ सिन्धुलीका सभापति उत्पल खडकाले जानकारी दिए।

त्यसै गरी, सिन्धुली अस्पताल सँगै रहेको ब्लड बैङ्कलाई ३ सय थान मास्क,१० लिटर स्यानिटाइजर,२ काटुन् फ्रुटी,३६ थान साबुन हस्तान्तरण गरिएको नेवि संघ सिन्धुलीले जनाएकाे छ । काेराेना संक्रमणबाट नागरिकहरूलाई बचाउन आफुहरूकाे सहयाेग तथा सचेतनाकाे अभियान निरन्तर जारी रहने सभापति खड्काले बताए ।