Powered by Blogger.
प्रयाप्त तयारी विनै भुकम्प प्रभाविति जिल्लाका विद्यार्थीहरु परिक्षामा




राम्रो ग्रेडिङ आउनेमा भने चिन्ता व्यक्त

राजन गाउँले
सिन्धुली १८, चैत्र । शैक्षिक शत्रको सुरुवातमै गएको भुकम्पका कारण घरसंगै पाठ्य पुस्तक गुमाएका र त्यसपछि उत्पन्न विषम परिस्थीतीका विच अस्थायी टहरो र त्रिपाल मुनि बसेर गरिएको अपुरो तयारीकै माझ भुकम्प प्रभावित जिल्लाका हजारौं विद्यार्थीहरु बुधबारबाट सुरु भएको प्रबेशीका परिक्षा (एसएलसी) मा सहभागी भएका छन् । 
सिन्धुली, रामेछाप, दोलखा, सिन्धुपाल्चोक लगायत अति भुकम्प प्रभावित १४ जिल्ला र अन्य जिल्लाका विद्यार्थीहरु भुकम्पको असरका कारण प्रयाप्त तयारी विनानै परिक्षामा सहभागी भएका हुन् ।
भुकम्पले क्षेतीग्रस्त विद्यालयको जोखीम, अस्थायी टहरोमा हावाहुरी, घाम पानी नभनि र अस्थायी टहरोको बासमा साँघुरो र चिसो समेत नभनि तयारी गर्दा समेत प्राप्त सिक्न नपाइकनै परिक्षामा सहभागी हुन परेकोमा विद्यार्थीहरुले चिन्ता व्यक्त गरेका छन् । सरकारले यस वर्षबाटै ग्रेडीङ पद्धतीबाट परिक्षाको मुल्याकंन गर्ने जनाएपछि विद्यार्थीहरुमा झनै चिन्ता थपीएको छ । 
सिन्धुली जिल्लाको अति भुकम्प प्रभावित जलकन्या गाविस स्थित उमावि जलकन्याबाट परिक्षामा सहभागी छात्र गोविन्द विकले भुकम्प पछिको झण्डै छ महिना राम्रोसंग अध्ययनै नगरी परिक्षामा सहभागी भएको बताए । उनले भने, ‘भुकम्प पछि तिन महिनासम्म विद्यालय सञ्चालन हुनै सकेन । बाँकी समय वर्षा सुरुभएपछि अस्थायी टहरो निर्माणमा अभिभावकलाई सघाउँदा र बन्द तथा हड्तालका कारण प्रयाप्त तयारी नै गर्न नसकेपनि परिक्षा दिन आएको छु ।’
प्रयाप्त तयारी नहुनु र यसै वर्षबाट सरकारले ग्रेडीङ सिस्टम ल्याएपछि आफु अन्यौलमा परेको उनको भनाई छ । भुकम्पका कारण घर भत्कदा भएको पाठ्य सामाग्री समेत पुरीएर झण्डै चार महिनासम्म पढाइ विथोलीदा पनि राम्रो अंक ल्याउने अपेच्छा सहित परिक्षामा सहभागी हुन आएको अर्का परिक्षार्थी सुनिता श्रेष्ठ बताउँछिन् । उनको भुकम्पले घर भत्कदा घरको सरसामाग्री सहित सबै पाठ्य सामाग्री पनि पुरीएको थियो । 
‘साँघुरो अस्थायी टहरोमा विना बत्ति, रात विहान तयारी गरेको र अस्थायी र भग्नावशेष विद्यालय भवनमा जोखिम मोलेरै भएपनि सिकेका कुरालाई लेख्ने आँटले परिक्षामा सहभागी भएका हौं,’ उनले भनिन् ।
भुकम्प र त्यस यताका विभिद कारणले प्रयाप्त तयारी गर्न नपाएकोमा श्रेष्ठले दुःख व्यक्त गरीन् । प्रयाप्त तयारी गर्न नपाउँदा सरकारले गर्ने भनेको ग्रेडीङ अनुसार राम्रो अंक ल्याएर अग्र स्थानमा आउन नसकिने होकी भन्नेमा धेरै सहभागि विद्यार्थीहरुमा चिन्ता छाएको छ । बुधबारबाट सुरु भएको परिक्षामा काठमाण्डौं उपत्यका बाहेक अति भुकम्प प्रभावित जिल्लाबाट मात्र एक लाख बढी विद्यार्थीहरु परिक्षामा सहभागी भएको शिक्षा अधिकारीहरुले जनाएका छन् ।
सिन्धुली जिल्लाबाट मात्र यस वर्षको परिक्षाको पहिलो दिन २५ परिक्षा केन्द्र मार्फत ८ हजार ४ सय १५ जना छात्र तथा छात्रा परिक्षामा सहभागी भएका छन् । परिक्षाको पहिलो दिन जिल्लामा एक सय ३७ छात्रा र ९२ जना छात्र गरी कुल २ सय २९ विद्यार्थी अनुपस्थित भएको जिल्ला शिक्षा कार्यालय सिन्धुलीका एसएलसी परिक्षाको सूचना अधिकृत दुर्गा प्रसाद अधिकारीले जानकारी दिएका छन् । उनका अनुसार पहिलो दिनको परिक्षा जिल्लाभरमै मर्यादित रहेको उल्लेख छ । 
भुकम्प पछिको पुनर्निर्माण सुरु नहुँदा यस पटक भुकम्पले क्षेती पुरयाएका विद्यालयमा अस्थायी भवनहरु निर्माण गरी परिक्षा सञ्चालन गरिएको अधिकारीहरुले जनाएका छन् । यस वर्षको परिक्षामा देशभरबाट १९ सय ४३ परिक्षा केन्द्रबाट ६ लाख १५  हजार ५ सय ५३ जना छात्रछात्रा परिक्षामा सहभागी भइरहेका छन् भने  झण्डै ७३ हजार कर्मचारीहरु परिक्षामा परिचालन गरिएको परिक्षा नियन्त्रण कार्यालयले जनाएको छ ।





, ,

0 comments

Write Down Your Responses