सिन्धुलीमा स्वारोजगार कोषको झण्डै ५ करोड लगानी
![](https://blogger.googleusercontent.com/img/b/R29vZ2xl/AVvXsEjwul01ne1FVEl6IHx87YrKln8B1CGQDBjCtHYujc6c_d9aLWDCw-nihrpTO-ktnWh5fAcBmRE87mQC4LIUKdtYbmhBb37RDw75aWiLNmOkdPc7Jj4VSfIsC4R9u9dTtvR6BFGR4fYSKcNB/s640/22193171_1649771301754456_1826524583_n.jpg)
सिन्धुली, १७ असोज । युवा तथा साना ब्यवसायी स्वरोजगार कोषले गरिब तथा विपन्न् वर्गका युवाहरुलाई स्वरोजगार बनाउन सिन्धुलीमा झण्डै ५ करोड रकम लगानी गरेको छ ।
जिल्लाका विभिन्न् ११ वटा सहकारी मार्फत कुल ४ करोड ९५ लाख रकम युवा तथा साना व्यवसाय पर्बद्धन गरी स्वरोजगार बनाउनका लागी लगानी गरेको कोषको जिल्ला संयोजन तथा अनुगमन समिति सिन्धुलीका सदस्य सचिब देव बहादुर वुढाथोकीले जानकारी दिए ।
उक्त रकमको उपयोग गरी जिल्लामा हाल २ सय १६ जना युवाहरु स्वरोजगार बनेको जनाइएको छ । सहकारी मार्फत ऋण लिएर युवाहरु आफ्नै गाउँघरमा पशुपालन, कृषि र सेवामुलक ब्यापार व्यवसाय गरी स्वरोजगार बनेका हुन ।
मंगलबार कोषका कार्यकारी निर्देशक विष्णु प्रसाद गौतमको उपस्थितीमा भएको अन्र्तरक्रिया कार्यक्रममा स्वरोजगारकोषले जिल्लामा सञ्चालन गरेको कार्यक्रमका क्रममा देखिएका समस्या र संभावनाहरुको बारेमा छलफल गरिएको थियो ।
छलफलमा सहभागीहरुले स्वरोजगारकोषको ऋण अझै प्रभावकारी बन्न नसकेको गुनासो व्यक्त गरेका थिए । लक्षित समुदायसम्म पुग्न नसकेको, केहि प्राविधिक र कानुनी समस्याहरु रहेको भन्दै सरल हिसाबले लक्षित समुदायसम्म ऋण प्रवाह हुने नितिगत व्यवस्था गर्न र ऋण रकम थप गर्न समेत कार्यकारी निर्देशकसँग आग्रह गरेका छन ।
0 comments
Write Down Your Responses