सिन्धुली– जिल्लाको कमलामाई नगरपालिका वडा नं.–५ को कार्यालय अब आफ्नै सुविधा सम्पनन् भवनमा सर्ने भएको छ । वडा कार्यालय भवन निर्माण सम्पनन् भएसँगै आफ्नै भवनबाट सेवा प्रवाह सुरु गर्ने भएको हो । 

स्थानीय निकाय बनेको ६ बर्ष वितिसक्दा पनि आफ्नै भवन नभएको कमलामाई नगरपालिका वडा नं.–५ ले अब भने सुविधा सम्पनन् भवन प्राप्त गरेको छ । जनप्रतिनिधी तथा स्थानीय नागरिकहरुको पहलमा जग्गाको ब्यवस्थापन गरेपछि भवन निर्माणका लागी केन्द सरकारले गत आर्थिब वर्षमा बजेट बिनियोजन गरेको थियो । 

वडा कार्यालय भवनको निर्माण सम्पन्न भएसंगै निर्माण करम्पनीले उक्त भवन बिहिबार एक समारोह बीच वडा कार्यालयलाई हस्तान्तरण गरेको हो । दोश्रो कार्यकाल पनि निर्वाचित हुनुभएका वडा अध्यक्ष पुर्ण बहादुर खड्का लगायत जनप्रतिनिधीहरुको जागरुकताको कारण नेपाल सरकारले बजेट बिनियोजन गरेको थियो । 

सघन शहरी तथा भवन निर्माण आयोजना मन्थली रामेछापबाट बोलपत्र आब्हान गरि कुल १ करोड ३० लाख लागतमा निर्माण गरिएको उक्त भवनको बैठक हल सहित ७ वटा कोठा रहेका छन । उक्त भवनको निर्माण कार्य स्लेट–सिर्जना–रामबोले जेभी निर्माण कम्पनीले २०७९-१२-११ मा ठेक्का सम्झौता गरी समय भन्दा ९ महिना अगाडि नै निर्माण कार्य सम्पनन् गरेको थियो । 

उक्त अवसरमा वडा अध्यक्ष खड्काले निर्माण कम्पनीका उद्धव दाहाल लगायत भवन निर्माणमा सहयोग गर्ने सबै निकाय र प्रतिनिधिहरूलाई धन्यवाद व्यक्त गर्नुभयो । नबनिर्मित भवन केही दिनमानै विशेष समारोहका विच उद्घाटन गरि प्रशासनिक काम सुरू गरिने बताईएको छ ।