मलाई विश्वास छ विद्यार्थी साथीहरुको अगाध मायाँ र विश्वासले हाम्रो प्यानल विजयी हुनेछ - नबराज कार्की
प्रस्तुत छ सिन्धुली सित्तलपार्टी स्थायी घर भई कोटेश्वर बहुमुखी क्याम्पसमा अखिल(क्रान्तिकारी)को तर्फबाट स्ववियू सभापतिको रुपमा चुनाबि मैदानमा उत्रिएका नबराज कार्कीसँग विजयकिल्लाले गरेको संक्षिप्त कुराकानी ।
स्ववियू चुनाबको तयारी कस्तो छ ?
विद्यार्थीहरुको साझा संस्थाको रुपमा रहेको स्ववियू प्रत्येक दुई बर्ष मा हुनुपर्ने भएपनि राजनैतिक अस्थीरताका कारण २०६५ साल देखि क्याम्पसमा स्ववियू स्थापना हुन सकेको छैन । लामो समय पछि स्ववियू हुन लाग्दा खुसी लागेको छ र अखिल(क्रान्तिकारी)को नेतृत्व गर्दै कोटेश्वर क्याम्पसमा सभापतिको उमेदवार बनेपछि चुनौति पनि उत्तिकै थपिएको म आफुले महसुस गरेको छु । हाम्रो प्यानलको जितलाई सुनिश्चित गर्न हामी अहोरात्र खटिरहेका छौं । हामी चुनाब जितेरै छाड्छौं भन्ने आत्मविश्वास हामीमा पैदा भइरहेको छ । हामी नियमित र बौद्धिक विद्यार्थी बीचमा छौ साथै विद्यार्थी बीचमा निकै लोकप्रिय छौ ।
फेरिपनि स्ववियू चुनाव स्थगित गर्ने चर्चा छ ?
स्ववियू चुनाब स्थगित हुनुहुँदैन भन्ने हाम्रो मान्यता हो । यसपटक पनि स्ववियू निर्वाचन स्थगीत गरियो भने देशैभरका क्याम्पसहरुमा उच्च शिक्षा हासील गर्न मेहनत गरिरहेका युवा विद्यार्थीहरुको मनोबल कमजोर बन्छ । त्रिभुवन विश्व विद्यालय र राज्य प्रतिनै युवा विद्यार्थीहरुको विश्वास कमजोर बन्छ । विद्यार्थीहरुको लागी मात्र होइन त्रिवि र राज्यले आफ्नो लागी पनि चुनाब गराएरै जानुपर्छ । अनेक बाहानामा टारिदै आएको स्ववियू निर्वाचन यसपटक पनि षड्यन्त्रकारीहरुको कुनियतको सिकार बन्नु हुँदैन भन्ने हाम्रो मान्यता हो । मलाई विश्वास छ सरकार र त्रिविले फाल्गुण १४ मै चुनाब गराउछ ।
नबराज कार्कीनै स्ववियू सभापति चाँहि किन ?
म इकाई अध्यक्ष हुँदा पनि विद्यार्थीहरुका हरेक समस्या मा निरन्तर छु हामीले स्नातक अध्यन गर्ने विद्यार्थीहरुलाइ विद्यार्थी बित्तीय कोषबाट २७, ३६००० बितरण गर्न सफल भयौं । हिजो सबै विद्यार्थी संगठनहरु सुनसान थिए आज चुनावमा कार्यतालिका आएपछी गेटमा आएर विद्यार्थीलाई विभिन्न भ्रम छर्दै झुठो आश्वासन दिदै आएको कुरा विद्यार्थी साथीहरुले राम्रोसँग बुझ्नु भएको छ ।
तपाई स्ववियू सभापतीमा विजयी भएपछि के—के गर्नुहुन्छ ?
म सिन्धुलीबाट काठमाडौ आएर विद्यार्थी राजनीति गरेको ६ बर्ष भयो । अखिल(क्रान्तिकारी)मा आवद्ध भएर कोटेश्वर क्याम्पसको दुई कार्यकाल एकाई अध्यक्ष भएर काम गर्ने अवसर समेत प्राप्त गरिसकेको छु । मलाई लाग्छ म सधै विद्यार्थीहरुको वीचमा रहेर विद्यार्थी साथीहरुकै लागी काम गरिरहेको छु र क्याम्पस प्रशासनले गरेको नराम्रा गतिविधीहरुको खवरदारी गरिरहेको छु । हिजो जुन हिसाबले विद्यार्थीहरुको लागी क्रियाशिल भए स्ववियू सभापति बनिसकेपछि पनि क्याम्पसलाई साच्चै नयाँ बनाउन अझ मेहनत साथ लाग्ने प्रतिबद्धता गर्दछु । हामीले क्याम्पस मा भएका समस्या हरुलाई भर्खर क्याम्पस प्रमुख सामु ज्ञापनपत्र समेत बुझाएका छौ ।
अन्त्यमा के भन्न चाहानुहुन्छ ?
अखिल (क्रान्तिकारी) शिक्षित, बौद्धिक, सिर्जनशिल र नियमित विद्यार्थीहरुको जमात हो । जो नियमित क्याम्पस आउछन् उहाँहरुले राम्रोसँग हामिलाई बुझ्नुभएको छ । स्ववियू निर्वाचन समयमा हुन नसक्दा एकातिर शैक्षिक क्षेत्र अस्तब्यस्त भएकोछ साथै सचेत विद्यार्थी समुदायको नेतृत्व बिकासको ढोका बन्द भएको छ । त्यसैले चुनाब स्थगित हुनुहुँदैन । राजनीति पेशा हैन सेवा हो । म नियमित विद्यार्थी माझ सक्रिय भएर रहने संकल्प गर्दछु । मलाई विश्वास छ विद्यार्थी साथीहरुको अगाध मायाँ र विश्वासले हाम्रो प्यानल विजयी हुनेछ । सवैलाई यसपटक कोटेश्वर क्याम्पसमा अखिल(क्रान्तिकारी) र नबराज कार्कीलाई विजयी गराउन सहयोगको अपिल गर्दछु ।
0 comments
Write Down Your Responses