पहिलो फिक्कल महोत्सब २०७५ को समापन
बुद्द आछामी , सिन्धुलीर खाङसाङ ८ माघ । सिन्धुलीको फिक्कल गाउपालिकाको खाङसाङमा संचालित पहिलो फिक्कल महोत्सव मंगलवार सम्पन्न भएको छ ।
‘सडक, शिक्षा, बिजुली फिक्कलको पुर्वाधार, कृषि,जडिबुटि र पर्यटन सबृद्धिको मुल आधार’ भन्ने मुल नाराका साथ गत पौष २ गते देखि पौष ८ गते (मंगलवार) सम्म सञ्चालित प्रथम फिक्कल महोत्सब २०७५ मंगलवार एक समारोह बिच समापन गरिएको हो ।
फिक्कल गाउँपालिकाद्दारा आयोजित महोत्सबको समापन समारोहमा बोल्दै ३ नं. प्रदेशका उधोग पर्यटन बन तथा वातावरण मन्त्री माननीय अरूण नेपालले सरकारको अबको यात्रा सबृद्दिको यात्रा रहेको बताउँदै सबैपक्षलाई सरकारको यो अभियानमा सहयोग पुर्याउन आग्रह गरे । सबृद्दिका लागि सिगो नेपाली जनता एकजुट भएर आफुसँग भएका श्रोत र साधनलाई सहि सदुपयोग गर्नुपर्ने मन्त्री नेपालले बताए ।
फिक्कल महोत्सबमा सञ्चालित रयाफ्टिङ र प्याराग्लाइडिङलाई निरन्तरता दिदै सबृद्दिको आधारको रूपमा प्रयोग गर्न समेत मन्त्रि नेपालले स्थानीय तहलाई आग्रह गरे ।
फिक्कल बिकासको गुरूयोजना निर्माण गरि अगाडि बढ्न पनि उनले आग्रह गरे ।
समापन समारोहमा बोल्दै प्रदेश सासंद लेखनाथ दाहालले रयाफ्टिङ, प्याराग्लाइडिङ महोत्सबको नयाँ पहिचान भएको बताउदै प्रदेश सरकारले प्राथामिकताका साथ फिक्कललाई पर्यटकीय आकर्षणको केन्द्रको रूपमा बिकास गर्नु पर्नेमा जोड दिए ।
कार्यक्रममा जिल्ला समन्यब समिति सिन्धुलीका प्रमुख संकर बर्मा, नेकपाका जिल्ला नेता खड्ग रजनमगर(धिरज), नेपाली काग्रेसका जिल्ला सभापति उज्जल प्रसाद बराल लगायतले मनतब्य ब्यक्त गरेका थिए ।
प्याराग्लाइडिङ, रयाफ्टिङ, विभिन्न जातजातिका झाकिहरू र फिक्कल कलाघर प्रथम फिक्कल महोत्सब २०७५ का प्रमुख आकर्षकको रूपमा रहेका थिए ।
महोत्सबको अबसरमा खेदकुद, गायन, नृत्य तथा लोपउन्मुख पन्चेबाजा प्रतियोगिता समेत गराईएको थियो ।
फिक्कल महोत्समा राष्ट्रिय तथा स्थानीय कलाकारहरूले दैनिक भरपुर मनोरञ्जन प्रदान गरेका थिए ।
समापनको दिन ज्योति मगर, टीका प्रसाईं, लेखराज गुरूङ लगायतका कलाकारहरूले मनोरञ्जन प्रदान गरेका थिए ।
८ दिन सम्म चलेको महोत्सबको अनुमानित ३० हजार दर्शकले अबलोकन गरेको र ५० लाखको कारोबार भएको महोत्सब मुल आयोजक समारोह समितिले जनाएको छ ।
0 comments
Write Down Your Responses