चालकहरुको स्वास्थ्य परिक्षण गर्दै ट्राफिक प्रहरी
![](https://blogger.googleusercontent.com/img/b/R29vZ2xl/AVvXsEgSXtFW1xoBUqxwfNWsQT95gci0FqPmcokpt5_Zn9svx3G8w2VydQv3_C1lGiiw7haiv1ypu6FPqFkiDVKad3ndevBGYJj007j7VSt6NWwxWhGmV7ygzcpbSSMadDNss0BD9GsYup1tfA1o/s640/61097640_2141197456118852_7419024153744769024_n.jpg)
सिन्धुली, ११ जेठ । सवारी दुर्घटना न्यूनिकरणका लागी जिल्ला ट्राफिक प्रहरी कार्यालय सिन्धुलीले सडकमै सवारी चालक तथा सह–चालकहरुको स्वास्थ्य परिक्षण गरेको छ ।
बीपी राजमार्ग हुँदै आवत जावत गर्ने चालक र सह–चालकहरुको आखा तथा ब्लप्रेशर र सवारी साधनको यान्त्रीक अवस्थाको जाँच गरिएको जिल्ला ट्राफिक प्रहरी कार्यालय सिन्धुलीले जनाएको छ ।
कमलामाई नगरपालिका, सिन्धुली जिल्ला अस्पताल र नेपाल रेडक्रश सोसाईटी सिन्धुलीको सहकार्यमा सञ्चालन गरिएको स्वास्थ्य परिक्षण शिविरमा सनिबार ९६ जना चालकहरुको आखा तथा ब्लडप्रेशर चेकजाच गरिएको जनाइएको छ ।
![](https://blogger.googleusercontent.com/img/b/R29vZ2xl/AVvXsEjmSbRcZuahFTJnjE-7N5-PwTP1f5jkaOKMplQzG2GCRVNWo4WC1E_ghuLk_Ea3-fy-j1yvOQ_Io_oa2rd-Eo0N-wlVAhyphenhyphenCf8Xl9m21PFSBMOOFJxZ5zjFSVW9qowEgb8ILGo-y_doo_Wss/s640/61376556_2276934725660401_6633628785977589760_n.jpg)
दुर्घटनाहरु चालक र सह–चालकको स्वास्थ्यमा हुने समस्याका कारण पनि हुने गरेकाले चालकहरुको स्वास्थ्य परिक्षणले दुर्घटनामा न्यूनिकरण आउने जिल्ला ट्राफिक प्रहरी कार्यालय सिन्धुलीका प्रमुख विष्णु बहादुर बस्नेत बताउछन । स्वास्थ्य परिक्षण सँगै सिन्धुली कलाघरसँगको सहकार्यमा सडक सुरक्षा तथा ट्राफिक नियम सम्बन्धी जनचेतना मुलक सडक नाटक समेत प्रदर्शन गरिएको थियो ।
![](https://blogger.googleusercontent.com/img/b/R29vZ2xl/AVvXsEif_K6x9jdKJNzHIvvuwxtrWhPnhJBEv82hewid_4UaqJvkc5CJu69GVXOsgXB2PyQ7Q5SDUp3rZIVmP7AvlODKA-K4by3ak-rtJcZYm6_qTTbpMtuRBof4j7rmtOSGiIZsLsvn_HSE9mmJ/s640/61036317_2424316400933839_900257503525208064_n.jpg)
ट्राफिक प्रहरीको अभियानले दैनिक हजारौं सवारी साधन आवज जावत हुने विपी राजमार्गमा पछिल्लो समय दुर्घटनामा न्यूनिकरण आएको छ । सडक दुर्घटनालाई शुन्य बनाउन नसकिएपनि न्यूनिकरण गर्ने अभियान प्रभावकारी ढंगले सञ्चालन गरिरहेको सिन्धुली ट्राफिक प्रहरीको दावि छ ।
0 comments
Write Down Your Responses