सिन्धुली । स्थानीय तह वित्तीय सुशासन जोखिम मूल्याङ्कन (एफआरए)मा सिन्धुलीका स्थानीय तहहरु मध्ये घ्याङलेक गाउँपालिकाले उच्चतम अङ्क प्राप्त गरेको छ ।  सघीय मामिला तथा सामान्य प्रशासन मन्त्रालयले आर्थिक वर्ष २०८०⁄०८१ मा गरेको मूल्याङ्कनमा घ्याङलेक गाउँपालिकाले ९६.५ अङ्क प्राप्त गरेर जिल्लामा उच्चतम प्रदर्शन गर्ने स्थानीय तह भएको हो । मूल्याङ्कनका विभिन्न विषय क्षेत्रका सूचकहरू पूरा गर्दै घ्याङलेकले उच्चतम अङ्क प्राप्त गर्न सफल भएको गाउँपालिकाका प्रमुख प्रशासकीय अधिकृत दाताराम प्याकुरेलले जानकारी दिनुभयो ।  घ्याङलेक गाउँपालिका बागमति प्रदेशका स्थानीय तहहरु मध्ये तेश्रो स्थानमा समेत पर्न सफल भएको छ ।